阿狼

版权声明：转载时请以超链接形式标明文章原始出处和作者信息及本声明
http://desertwolf.blogbus.com/logs/10543535.html

大大话话都系潮州读佐四年大学，平时得闲无事做就会去周围稳野吃，都发掘佐唔少正野嘎，唯一稳唔到的就系鱼蛋粉啦！好啦，家下思想跟住我去行翻转先啦~
      首先推介的就系当地人好中意吃的牛杂果条（果条系咩野？请查询我的文章《被误会了的鱼蛋粉》，内有解释），如果你跟团去，maybe导游会介绍你去吃西湖公园附近的镇记，果度的牛杂果条五蚊，超大碗噶，而且料好多，不过而家因为多佐旅行团帮衬，生意好反而味道差，已经无我大一去吃果次甘好味了，而家汤偏淡，牛肉唔入味，唔掂噶啦！最好吃边档？我会介绍你去春光小学附近果档啦，环境好旧好有feel，同屎坑牛腩粉的环境一样，有个榕树头甘啰，听讲果度好多潮州本地人去吃嘎，味道简直一流啦，D牛杂用特制的酱料焖过来，好入味，味道辣辣地，好惹味，而且D汁渗落D汤度，令到个汤好正斗啊~呢度的牛杂果条就三蚊碗，提醒一下先，果度的营业时间好骑呢噶，所以睇岩时间先好去啊，营业时间好似系9:00～12:00，15:00～18:00，21:00～24:00（应该系甘上下噶啦！），最后建议你吃牛杂果条最好落姜丝，因为真系好正噶！
       跟住就要介绍下炒果同炒果条啦，果系一种糕状物体，应该就系用米浆做噶啦，其实口感同吃萝卜糕差唔多，呢两样野最好吃的当口都出现系西新市场，炒果就系西新市场的一条支巷度，当你闻到一阵阵好香的咖喱味的时候，你就会离个档口唔远噶啦！老细会将发好的蛋连埋D炒好的果一齐煎好就上碟，最后淋翻D有冬菇同肉碎的杰挞挞的汁，D蛋煎得好香好脆嘎，而且阵阵咖喱味，D果都外脆内软，三蚊一大碟，一个人吃完会好滞，而两个人share就岩晒噶啦！而炒果条果档就系正西新市场度，夜晚五六点先开嘎，听师兄Dio讲老细系汕头人，你地认住两个光头佬就得了，果度的炒果条好有镬气噶，味道唔错，同埋果度的牛肉丸好爽口弹牙噶，一定要试噶，你到时order就话几个人的份量，甘就得噶啦，一人份就五蚊。其实中意呢档的炒果条系因为距的味道好似广州的干炒牛河，对离乡别井的我同Dio好易产生怀念之情噶！其实西新市场有好多好野吃嘎，有档卖炸芋头同猪脚圈的好多人排长龙嘎，不过D炸芋头都几好吃嘎，D芋头好粉，外面又炸得好脆，不过D猪脚圈就唔系好好吃啦（其实都唔之点解起个甘的名，就外型而言，同猪脚一D关系都无，主要系用D豆同D炸浆一齐炸）。仲有一间吃炸云吞的，两蚊就好多只啦，而且配埋紫菜汤，D云吞炸得好脆噶！
       再来会介绍一下潮州都几出名的蚝烙（又叫蚝煎）啦，其实我都系最中意以前学校西区门口的果档，三蚊份，都够两个人吃噶啦，唔会好多粉（粉多吃落就会好胶噶啦），反而好多蛋，煎得好脆，可惜过完一个暑假就唔见佐了。后尾Dio介绍我去下水门一间屋仔吃，夜晚成九点先开噶，环境好有feel噶，系个天井度吃，因为条街灯光好暗下，好易走漏眼，果度D蚝煎都唔错的，不过都系多粉佐D,两个人绝对吃唔晒一份。其实除佐蚝烙，玉米烙都好好吃噶，特别系学校西区门口的老二小炒的，好正嘎，卜卜脆噶，甜甜地，做饭后甜品就岩晒，八蚊份购四个人吃啦！
如果你想吃尽潮州小食，甘就要去西马路啦，果度真系好多得你吃啊，咩春卷啊、笋果啊、糯米肠啊都有得你吃，不过我个人就无乜兴趣了。
       最后要讲下果度的肠粉同粽，肠粉同广州的唔同，馅就得一种——猪肉+蛋+菜，不过最后距会加花生酱，吃落会好特别，不过我第一次吃果阵好唔惯，后尾先慢慢接受，其实花生酱好影响碟肠粉的味道，每档的花生酱都唔同，我就中意学校西区门口果档啦，D粉皮好烟嗯，花生酱又好香。而D粽呢就好唔同啰，距地的粽有一个角系用绿豆泥整的同埋D肥猪肉唔会入口即融，而且会有鹌鹑蛋，其实都几特别的。
       除佐特色小吃，其实有个地方都应该去下的，就系潮州电影院啦！去睇电影？梗唔系啦！果度门口好多烧烤档同果子冰档噶，都几好吃噶，尤其系老婆婆果档的烧烤，D辣椒粉好辣好好味噶，同埋距隔离阿姨果档果子冰，好多冰的，满到泻啊，而且可以叫唔同的水果沟埋着整，大大杯都系一蚊，有时翻到广州去许留山饮野，真系觉得好鬼昂居~

http://www.chinachaozhou.com/read.php?tid=

http://www.chinachaozhou.com/read.php?tid=883005